"Barsa" Kunde bilan 4 yillik shartnomaga kelishib oldi. "Sevilya" bilan muzokaralar kelasi haftaga rejalashtirilgan

Himoyachi Jyul Kunde "Sevilya"dan "Barselona"ga o'tishga yaqinlashmoqda.

Diario Sport xabariga ko'ra, Kataloniya klubi 23 yoshli futbolchi bilan 4 yillik shartnoma bo'yicha dastlabki kelishuvga erishgan. "Barsa" kelasi hafta frantsiyalik futbolchining "Sevilya"ga transferi borasida kelishib olishni rejalashtirmoqda.

"Chelsi"dan kelgan taklif bilan solishtirganda, Andalusiya klubi kataloniyaliklar taklif qilayotgan transfer formulasini afzal ko'radi. Londonliklar Kunda uchun bir nechta to'lovlar va ko'plab bonuslar bilan 65 million evro berishga tayyor edi. "Barsa" esa "Sevilya"ga kamroq pul taklif qiladi, lekin uni bittada to'lashga tayyor.

Qayd etilishicha, Kunde bilan shartnoma imzolanishi Kataloniya klubi ustozi Xavining alohida istagi bo'lgan. Kelishuv yakunlangach, uning jamoa himoyasini kuchaytirish haqidagi iltimoslari bajariladi.