Bonuchchi "Bavariya"ga o'tgan De Ligtni tanqid qildi

"Yuventus" sardori Leonardo Bonuchchi Turin klubidan "Bavariya"ga o'tgan himoyachi Matteys de Ligt haqida gapirdi.

"De Ligtning ketishi meni hayratda qoldirmadi, chunki uning ba'zi gaplarida u "Yuventus"da qolishni istamasligiga ishora qilgan. Lekin menimcha, hammasi hurmatda. Uch yil davomida birga bo'lgan jamoa uning o'sishiga yordam berdi va klub unga sarmoya kiritdi. Unga omad tilayman, lekin uning terma jamoada aytgan ayrim iboralari yoqimli emas edi. Ta'tildan keyin bu haqda gaplashdik, u tushundi. "Bavariya" - ajoyib klub, lekin u top-jamoa bilan g'alaba qozonmaydi", - dedi Bonuchchi.

22 yoshli niderlandiyalik futbolchining nemis klubi bilan shartnomasi 2027 yilning 30 iyuniga qadar tuzilgan.