Klopp turli zamonlar futbolini solishtirdi

Yurgen Klopp zamonaviy futboldagi mashg'ulotlar jarayonida sodir bo'lgan o'zgarishlar haqida fikr bildirdi.

“Futbolchi bo'lganimda, biz juda ko'p mashq qilardik - deydi nemis mutaxassisi Sky Sports nashriga bergan intervyusida. Mashg'ulotdan so'ng tom ma'noda o'zimizni yomon his qilardik.

Sport fani bunday faoliyatning zararini allaqachon isbotlagan, ammo murabbiylar bunga quloq solmagan. "Qancha ko'p bo'lsa, shuncha yaxshi" tamoyili ishlar edi.

Biz xuddi Olimpiya o'yinlarida marafonga tayyorgarlik ko'rayotgandek yugurardik! Bu unchalik foydali bo'lmasdi va men hozirda "Liverpul"da o'tkazayotgan mavsumoldi mashg'ulotlaridan ko'proq zavq olaman", - deydi Klopp.