«Sharja» Otabek Shukurovning Turkiya klubiga o'tayotganini e'lon qildi

Birlashgan Arab Amirliklarining «Sharja» yarim himoyachisi Otabek Shukurov faoliyatini Turkiya chempionatida davom ettiradigan bo'ldi. Bu haqda sharjaliklarning Tvitterdagi sahifasi ma'lumot tarqatdi.

Manbaga ko'ra, "Sharja" o'zbekistonlik futbolchiga Turkiyaning "Fotih Karagumruk" klubi safida tibbiy ko'rikdan o'tish va muzokara o'tkazishga ruxsat bergan. Shukurov tibbiy ko'rikdan muvaffaqiyatli o'tsa, uch tomonlama shartnoma rasmiylashtiriladi.

"Fotih Karagumruk" bosh murabbiyi Pirlo hisoblanadi. Ushbu jamoa Turkiya chempionatining o'tgan mavsumida 8-o'rinni band etgandi.