Gudonsenning o'g'li "Real"dan ketdi

Hujumchi Andri Gudonsen "Norrcheping" bilan shartnoma imzoladi, deb xabar beradi Shvetsiya klubi rasmiy sayti.

20 yoshli islandiyalik bilan kelishuv shartlari haqida ma'lumot berilmagan. Hujumchi "Chelsi" va "Barselona"ning sobiq futbolchisi Eydur Gudonsenning o'g'li.

Gudonsen "Real Madrid" tarbiyalanuvchisi, ammo u yozda klubni erkin agent sifatida tark etdi. O'tgan mavsumda u ikkinchi jamoa uchun 21 ta o'yin o'tkazib, 4 ta gol urdi va golli uzatmani amalga oshirdi.