Aleksis Sanchesda Portugaliya grandidan taklif bor

Milanning “Inter” klubining chililik vingeri Aleksis Sanches Lissabonning “Benfika” klubiga o'tishi mumkin, deb xabar beradi Tuttosport.

Manbaning xabariga ko'ra, Portugaliya klubi yozgi transfer oynasida futbolchini sotib olmoqchi. Biroq chililik milanliklar bilan shartnomani bekor qilgan taqdirdagina transfer amalga oshishi mumkin.

33 yoshli Sanches o'tgan mavsumda "Inter" safida barcha turnirlarda 38 ta o'yinda maydonga tushib, 9 ta gol urdi va 5 ta golli uzatmani amalga oshirdi. Uning klub bilan shartnomasi 2023 yilning yoziga qadar mo'ljallangan.