Serbiya terma jamoasi darvozaboni La Liga klubi bilan shartnoma imzoladi

"Malorka" "Reyms" darvozaboni Predrag Raykovich bilan shartnoma imzolaganini e'lon qildi. 26 yoshli serbiyalik futbolchi ispan klubi bilan 4 yillik shartnoma imzoladi.

Transfer summasi oshkor qilinmadi. Transfermarkt portali futbolchining narxini 9 million evroga baholamoqda.

Raykovich o'tgan mavsumda 37 ta o'yinda maydonga tushib, 44 ta gol o'tkazib yuborgan. Shuningdek, 11 marta o'z darvozasi daxlsizligini saqlab qoldi.