"Vest Xem"ning yangi himoyachisi uch oyga safdan chiqdi

"Vest Xem" himoyachisi Nayef Agerd "Reynjers"ga qarshi o'rtoqlik uchrashuvida jarohat oldi. Bein Sports xabariga ko'ra, Agerd jarohati tufayli uch oyni o'tkazib yuboradi.

"Vest Xem" bu yozda 26 yoshli marokashlik uchun 30 million funt to'lagan. Futbolchi ingliz klubida 27-raqamni olgandi.

O'tgan mavsumda Agerd 40 ta o'yinda maydonga tushib, 4 ta gol urdi va 3 ta golli uzatmani amalga oshirdi. Transfermarkt portali futbolchining narxini 12 million evroga baholamoqda.