"Yuventus" himoyachisi ham "Montsa" safiga borib qo'shildi

"Yuventus" himoyachisi Filippo Ranokkiya faoliyatini "Montsa"da davom ettiradi, deya xabar beradi klub rasmiy sayti.

21 yoshli italiyalik bilan ijara shartnomasi 2022/23 yilgi mavsum oxirigacha amal qiladi. "Montsa" mavsum oxirida futbolchini sotib olishi mumkin.

O'tgan mavsumni Ranokkiya "Vichentsa"da ijarada o'tkazdi. U B seriyada 30 ta o'yinda maydonga tushib, 3 ta gol va 3 ta golli uzatmani amalga oshirdi.