"Leyptsig" Raumni qo'lga kiritishga yaqin turibdi. Unga "Manchester Yunayted" va "Bavariya" jiddiy qiziqish bildirishgan

“Xoffenxaym” himoyachisi David Raum yaqin orada “Leyptsig”ga o'tishi mumkin.

Insayder Fabritsio Romanoning so'zlariga ko'ra, klublar o'rtasidagi muzokaralar yakuniy bosqichda, yaqin vaqt ichida shartnoma tuzilishi kerak.

Avvalroq Germaniya terma jamoasi futbolchisiga "Manchester Yunayted", "Bavariya", "Nyukasl" va boshqa klublar qiziqish bildirgandi. Xabar qilinishicha, "Xoffenxaym" bu transfer natijasida 30 million evrodan ko'proq daromad olmoqchi.