Ferdinand "Manchester Yunayted"ga qaytishi mumkin

"Manchester Yunayted"ning sobiq sardori Rio Ferdinand klubga qaytishi mumkin.

40 yoshli sobiq futbolchi "qizil iblislar" vitse-prezidenti Ed Vudvord bilan uchrashgan va sport direktori lavozimida ishlashi bo'yicha kelishib olgan.

Aslida, "MYu" xo'jayinlari, ya'ni Gleyzerlar oilasi Ferdinandning futbolchilik faoliyatini tugatgani zahoti klub rahbariyati tizimida ishlashini istashgandi, ammo Rioning o'zi buni xohlamagandm.

«MYu» klubning transfer siyosatini bosh murabbiy bilan bamaslahat olib boradigan mutaxassis izlayotgandi. Klub xo'jayinlari Rio Ferdinand variantida to'xtashdi.