Buxoroda hududiy bolalar-o'smirlar futbol akademiyalari direktorlari ishtirokida yig'ilish bo'lib o'tmoqda

O'zbekiston futbol assotsiatsiyasi huzuridagi Qoraqalpog'iston Respublikasi, viloyatlar va Toshkent shahar bolalar-o'smirlar futbol akademiyalari faoliyatini to'g'ri yo'lga qo'yish, ularning samaradorligini oshirish, akademiyalar tarbiyalanuvchilaridan mahoratli futbolchilar etishib  chiqishini  ta'minlash  maqsadida  bir  qator  chora-tadbirlar amalga oshirilmoqda.

Jumladan, Futbolni rivojlantirish departamentining yillik rejasiga muvofiq joriy yilning 27-29 aprel kunlari Buxoro viloyatida  hududiy bolalar-o'smirlar futbol akademiyalarining direktorlari hamda sport ishlari bo'yicha direktor o'rinbosarlari ishtirokida hisobot yig'ilishi o'tkazilmoqda.

Mazkur hisobot yig'ilishi kun tartibidan 2019 yilning birinchi choragida bajarilgan ishlar, futbolchilarni bosqichma-bosqich tayyorlash dasturi, 2018-2019 yil o'quv yili yakuni, futbol akademiyalari tarbiyalanuvchilari (U-14, U-15, U-16, U-17) o'rtasida o'tkazilayotgan O'zbekiston Chempionati, may oyida o'tkazilishi rejalashtirilgan “Kelajak sari” (U-18) xalqaro musobaqasi, akademiya bitiruvchilarining kelajakdagi taqdiri hamda bitiruvchilarni sohaga yo'naltirishda ko'maklashish, navbatdagi qabul imtihoniga tayyorgarlik ko'rish, “English for football” ingiz tili to'garagi faoliyatini yanada jonlantirish, shuningdek, faoliyat davomida yuzaga chiqayotgan muammolarni bartaraf etish mavzularidagi masalalar o'rin olgan.