Boks. Mirazizbek Mirzahalilov ikkinchi oltin medalni O'zbekiston hisobiga yozib qo'ydi

Tailand poytaxti Bangkok shahrida havaskor bokschilar o'rtasidagi Osiyo chempionati final janglari boshlandi. O'zbekistonning finaldagi yana bir vakili Mirazizbek Mirzahalilov oltin medal uchun jang qildi.

-56 kg vaznda ringga chiqqan Mirazizbek Mirzahalilov hindistonlik Kavinder Singx Bishtga qarshi ringga chiqdi. Yakunda hakamlarning bir ovozdan bergan baholariga ko'ra, Mirazizbek Mirzahalilov ochkolar bo'yicha g'alaba qozongan oltin medalga sazovor bo'ldi.

Eslatib o'tamiz, bungacha o'zbekistonlik boshqa bir bokschi Nodirjon Mirzaahmedov hindistonlik raqibini mag'lub etib, Osiyo chempionatidagi dastlabki oltin medalni qo'lga kiritgandi.

Bugun yana uch nafar o'zbekistonlik bokschi finalda ringga chiqadi.
-69 kg: Bobo Usmon Baturov (O'zbekiston) – Sevonrets Okazava (Yaponiya)
-91 kg: Sanjar Tursunov (O'zbekiston) – Xyong Kyu Kim (Janubiy Koreya)
+91 kg: Bahodir Jalolov (O'zbekiston) – Qamshibek Konkabaev (Qozog'iston).