"Vest Xem" "Yuventus" himoyachisiga qiziqmoqda

Londonning “Vest Xem” klubi Turinning “Yuventus” klubi himoyachisi Luka Pellegriniga qiziqish bildirmoqda, deya xabar bermoqda jurnalist Nikolo Skira o'z tvitterida.

Manbaning xabariga ko'ra, ingliz klubi yozgi transfer oynasida futbolchi sotib olish variantini ko'rib chiqmoqda. "Yuventus" futbolchini munosib pul evaziga qo'yib yuborishga tayyor.

23 yoshli Pellegrini o'tgan mavsumda "Yuventus" safida barcha turnirlarda 21 o'yinda maydonga tushdi va bitta golli uzatmani amalga oshirdi. Uning klub bilan shartnomasi 2025 yilning yoziga qadar mo'ljallangan.