"Barselona" Gavi bilan shartnomani uzaytirish bo'yicha deyarli kelishuvga erishdi

Kataloniyaning "Barselona" klubi yarim himoyachisi Gavi "ko'k-anorranglilar" bilan shartnomani uzaytirishga bir qadam qoldi. Jurnalist Fabritsio Romanoning so'zlariga ko'ra, kelishuv yakunlanish arafasida.

Manbaga ko'ra, "Barselona" va Gavi o'rtasidagi so'nggi uchrashuvda tomonlar kelishuvga erishishga yaqin qolgan. Futbolchining agenti Ivan de la Penya "ko'k-anorranglilar" tomonidan taqdim etilgan shartlardan mamnun bo'ldi.

Eslatib o'tamiz, Gavining "Barselona" bilan amaldagi shartnomasi kelasi mavsum oxirida yakuniga etadi. Yangi kelishuvga ko'ra, futbolchi uchun tovon puli miqdori 50 million evrodan bir milliardga ko'tariladi.