"Lion"ning yangi xo'jayini: "Menga "PSJ" kabi loyihalar yoqmaydi, pul futbolni barbod qildi"

Avvalroq Frantsiyaning “Lion” klubi aktsiyalarining katta qismini sotib olish bo'yicha kelishuvga erishgan amerikalik biznesmen Jon Tekstor klubni yaxshilash rejalari haqida gapirdi.

"Biz chempionlikni qo'lga kiritishni, Evropa arenasiga qaytib, g'alaba qozonishni istaymiz. Biz "PSJ"ni mag'lub etishni istaymiz. Biz 86 million evro sarmoya kiritmoqchimiz, buning asosiy qismi yangi o'yinchilarni sotib olishga qaratilgan.

Menga "PSJ" kabi loyihalar yoqmaydi. "Lion"ning hozirgi prezidenti qilgan ishni davom ettirsak, Qatardan kelgan investordan ko'ra ko'proq daromad olishimiz mumkin. Menimcha, pul futbolni barbod qildi”, - dedi Tekstor.

Frantsiyaning etti karra chempionini sotib olish shartnomasiga ko'ra, Tekstor "Lion"ning 67 foizdan ko'proq aktsiyasini sotib oldi.