Mane "Liverpul" muxlislari bilan xayrlashdi

"Bavariya" klubiga ko'chib o'tgan Sadio Mane ijtimoiy tarmoq orqali "Liverpul" muxlislari bilan xayrlashdi. Eslatib o'tamiz, senegallik futbolchi "Bavariya"ga o'tish uchun shartnoma muddati tugashiga bir yil qolganda mersisayd klubini tark etishga qaror qilgandi.

“Hurmatli muxlislar, men uchun bu lahzaga so'z topish qiyin. Sizga chin qalbimdan minnatdorchilik bildirmoqchiman, so'nggi 6 yil davomida erishgan muvaffaqiyatlarimizning kichik bir qismi bo'lganimdan mamnunman. Siz har doim yonimda bo'ldingiz, yaxshi kunlarda ham, yomon kunlarda ham. Men buni hech qachon unutmayman. Yana bir bor rahmat”, - deb yozgan senegallik futbolchi ijtimoiy tarmoqlarda.

Manening transferi "Bavariya"ga 32 million evroga tushdi.