Mxitaryan "Inter" uchun tibbiy ko'rikdan o'tdi

Yarim himoyachi Genrix Mxitaryan "Inter"ga o'tishini yakunlashga bir qadam qoldi. Jurnalist Fabritsio Romano xabariga ko'ra, armanistonlik yarim himoyachi “neradzurrilar” lagerida tibbiy ko'rikdan o'tgan.

Endi Mxitaryan bir necha hafta oldin kelishib olgan klub bilan ikki yillik shartnoma imzolashi kerak. Eslatib o'tamiz, armanistonlik yarim himoyachini "Inter" tekinga qo'lga kiritadi, chunki avvalroq futbolchi "Roma" bilan shartnomani uzaytirishdan bosh tortgan va klubni erkin agent sifatida tark etgandi.

Eslatib o'tamiz, Mxitaryan 3 mavsumdan beri A seriyada o'ynamoqda. So'nggi mavsumda u "Roma"ga Konferentsiyalar ligasida g'alaba qozonishga yordam berdi.