Turin klubi o'z futbolchisiga narx belgiladi

"Torino" klubi "Inter"ga avvalroq A seriyada mavsumning eng yaxshi himoyachisi deb topilgan Gleyson Bremerning narxini e'lon qildi. Jurnalist Janluka di Martsioning fikricha, "neradzurrilar" braziliyalik futbolchi bilan shartnomani yopish uchun 40 million evro to'lashi kerak.

Bremerning o'zi Chempionlar ligasida va o'z terma jamoasida o'ynashni istamoqda, bu haqda avvalroq Italiyaning Calciomercato nashriga bergan intervyusida aytib o'tgan edi. “Inter”ning moliyaviy muammolari tufayli “neradzurrilar” braziliyalik futbolchining transferi borasida kelishib olishlari qiyin bo'ladi.

Eslatib o'tamiz, Bremerga Turinning "Yuventus" va Londonning "Chelsi" klublari ham qiziqish bildirayotgan edi.