"PSJ"ning bo'lajak yangi bosh murabbiyi klub transferlarini rejalashtirmoqda

Tez orada "PSJ" bosh murabbiyi lavozimini egallaydigan "Nitstsa" ustozi Kristof Galte ayni damda parijliklar tarkibini kuchaytirmoqchi.

Murabbiy kelajakdagi xaridlar uchun qisqa ro'yxatni hozirdan tayyorlamoqda. Demak, Galte “Nitstsa” futbolchisi Kefren Tyuramni taklif qilishni rejalashtirgan. Qayd etilishicha, Tyuram yangi murabbiy kelishidan oldin ham parijliklar qiziqishlari doirasida bo'lgan. Futbolchi "Monako"dan "Real"ga ko'chib o'tgan yarim himoyachi Aurelien Tchuameniga muqobil sifatida ko'rilmoqda. Tchuameniga "PSJ" ham qiziqayotgan edi.

Tyuram o'tgan mavsumda Liga 1 da 36 ta o'yinda maydonga tushib, 4 ta gol urdi va 2 ta golli uzatmani amalga oshirdi.