La Liga klubi rahbariyati Kavanining moliyaviy ehtiyojlarini qondira olmadi

"Rayo Valekano" klubi rahbarlari urugvaylik tajribali hujumchi Edinson Kavanining shaxsiy kelishuv shartlariga rozi bo'lishmadi.

Marca nashri xabariga ko'ra, 35 yoshli urugvaylik futbolchi tekinga Ispaniya jamoasiga o'tishi mumkin edi, biroq Kavani yiliga taxminan to'rt million evro maosh olmoqchi. “Rayo Valekano” boshliqlari tajribali hujumchiga bunday maosh berishga tayyor emas ekanligini bildirishgan va shu bois muzokaralar boshi berk ko'chaga kirib qolgan.

Eslatib o'tamiz, Edinson Kavani o'tgan mavsumda "Manchester Yunayted"da o'ynagan edi. Urugvaylik hujumchi APLda 15 ta jang o'tkazib, ikkita gol va bitta golli uzatmani amalga oshirgan.