Jezus tez orada "Arsenal" bilan shartnoma imzolaydi

"Manchester Siti"ning braziliyalik hujumchisi Gabriel Jezus "Arsenal"ga o'tishi kutilmoqda, deya xabar beradi Goal.

Manbaga ko'ra, London klubi futbolchi uchun talab qilinadigan 50 million evroni to'lashga tayyor. Avvalroq, hujumchiga "Chelsi" ham qiziqish bildirayotgani haqida xabarlar tarqalgan edi.

25 yoshli Jezus o'tgan mavsumda "Manchester Siti" safida barcha turnirlar doirasida 41 o'yinda maydonga tushib, 13 gol urdi va 12 golga assistentlik qildi. Uning klub bilan shartnomasi 2023 yilning yoziga qadar mo'ljallangan.