Lukaku kelasi hafta "Inter"da tibbiy ko'rikdan o'tadi

"Chelsi" hujumchisi Romelu Lukaku "Inter"ga ijaraga berildi, deya xabar beradi jurnalist Fabritsio Romano.

Manbaga ko'ra, 29 yoshli belgiyalik kelasi haftada Milanda tibbiy ko'rikdan o'tadi. Qayd etilishicha, “Inter” ijara uchun 8 million evro to'laydi, “Chelsi” yana 4 million evroni bonus sifatida olishi mumkin.

Lukakuning o'zi maoshini yiliga 12 million evrodan 8 million evrogacha kamaytirishga rozi bo'lgan.

2021/22 yilgi mavsumda hujumchi “Chelsi” safida barcha turnirlar doirasida 42 ta o'yinda maydonga tushib, 13 ta gol urdi va 5 ta golli uzatmani amalga oshirdi.