"Ayaks" o'z yulduzlarini "Manchester Yunayted"ga qo'yib yubormaydi

"Ayaks" Erik ten Xag "Manchester Yunayted"ga ketganidan so'ng, eng yaxshi o'yinchilarni saqlab qolmoqchi.

Joriy yilning yozida Amsterdamdan Manchesterga ko'chib o'tgan mutaxassis o'zi bilan "Ayaks"ning bir nechta asosiy futbolchilarini olmoqchi.

"Qizil iblislar" qanot himoyachisi Antoni va himoyachi Lisandro Martinesga qiziqish bildirmoqda. Mirror nashri xabariga ko'ra, ten Xag eng yaxshi holatda tilga olingan ikki futbolchidan birini qo'lga kiritishi mumkin, chunki "Ayaks" pulga muhtoj emas va yangi mavsum oldidan raqobatbardosh jamoani saqlab qolish niyatida.

22 yoshli braziliyalik Antoni va 24 yoshli argentinalik Lisandro Martinesning narxi Transfermarkt tomonidan mos ravishda 35 va 32 million evroga baholangan.