Rasman! "Arsenal" yangi futbolchi bilan shartnoma imzoladi

21 iyun kuni "Arsenal" rasmiy saytida "Portu" yarim himoyachisi Fabiu Vieyraning klubga o'tgani e'lon qilindi. Ingliz klubi 22 yoshli yarim himoyachi bilan uzoq muddatli shartnoma imzoladi.

“Kanonirlar” hujumkor yarim himoyachining transferi uchun Portugaliya klubiga 40,5 million evro to'laydi.

Avvalroq, bonuslar "Arsenal" Chempionlar ligasiga yo'llanma olganida, shuningdek, futbolchi klub uchun kerakli miqdordagi o'yin o'ynaganida faollashishi haqida ma'lumotlar paydo bo'lgandi.

Fabiu Vieyra "Portu" tarbiyalanuvchisi bo'lib, 2020 yilning iyun oyida jamoada debyut qilgan.

O'tgan mavsumda Vieyra portugal jamoasi safida barcha turnirlar doirasida 39 o'yinda maydonga tushib, 7 gol va 16 golga assistentlik qilgan.