"PSJ" prezidenti: "Mbappe pul uchun boshqa jamoaga o'tmaydi"

"PSJ" prezidenti Nosir Al-Xelayfi jamoa hujumchisi Kilian Mbappe nima uchun "Real"ga o'tishdan ko'ra, ushbu transfer oynasida parijliklar bilan shartnomasini uzaytirishni afzal ko'rganini tushuntirdi.

"O'tgan yozda men "Real"ning 180 million evrolik taklifini rad etgandim, chunki Mbappe qolishni istayotganini bilardim.

Mbappe pul uchun klubini almashtirmaydi. U bu erda o'z shahri, klubi va mamlakati uchun o'ynashga qaror qildi. Odamlar uni pul tufayli qolganini aytishadi, ammo "Real" unga ko'proq narsani taklif qildi", - deya Al-Xelayfidan iqtibos keltiradi Le Parisen.

Eslatib o'tamiz, Kilian Mbappe "PSJ" bilan shartnomasini 2025 yilgacha uzaytirdi. Oldinroq frantsiyalik hujumchi "Real"ga o'tishga yaqin ekani haqida xabar berilgandi.