"Inter" Dibalaning agentiga iltimos bilan chiqdi

"Inter" Paulo Dibalaning yangi shartlar bilan shartnomasi bo'yicha muzokaralarni qayta boshladi.

FCInter1908.it xabariga ko'ra, "neradzurrilar" rahbariyati hujumchining agenti Xorxe Antundan shartnoma imzolangandan keyin oladigan komissiyani kamaytirishni so'ragan.

Oldinroq 28 yoshli argentinalikning “Inter”dagi maoshi bonuslarni hisobga olgan holda yiliga 8 million evroni tashkil qilishi haqida xabar berilgandi.

Dibala o'tgan mavsumda "Yuventus" safida 39 o'yinda 15 ta gol urdi va 6 ta golli uzatmani amalga oshirdi.