Jeko bilan shartnoma imzolamoqchi bo'lgan yana bir klub topildi

"Inter" hujumchisi Edin Jeko yozgi transfer oynasida jamoani tark etishi mumkin, deya xabar beradi insayder Nikolo Skira.

36 yoshli hujumchi haqida "Valensiya" va "Yuventus" milanliklardan ma'lumot so'ragan.

Uning "Neradzurrilar" bilan shartnomasi 2023 yilning yoziga qadar tuzilgan, futbolchining maoshi bonuslarni hisobga olmaganda yiliga 5,5 million evroni tashkil qiladi.

Yakunlangan mavsumda Jeko barcha musobaqalarda 49 ta o'yinda qatnashib, 17 ta gol urdi va 10 ta golli uzatmani amalga oshirdi.