«Inter» Indzagi bilan shartnomani uzaytirdi

«Inter» klubi bosh murabbiy Simone Indzagi bilan shartnomani uzaytirdi. Yangi kelishuvga ko'ra, 46 yoshli mutaxassis 2024 yilning yoziga qadar «neradzurri»ni boshqaradigan bo'ldi.

Shuningdek, shartnomani yana bir yilga uzaytirish ham ko'zda tutiladi.

Indzagi o'tgan yilning yozida «Inter»ni qabul qilib olgandi. Jamoa uning qo'l ostida Italiya kubogini qo'lga kiritib, A seriyada 2-o'rinni egalladi.