«Chelsi» va «Inter» nihoyat Lukaku borasida kelishuvga erishishdi

«Chelsi» hujumchisi Romelu Lukakuning «Inter»ga o'tish masalasi hal bo'ldi. Tomonlar ijara borasida kelishuvga erishishdi.

29 yoshli futbolchi "neradzurri"ga bir yilga ijaraga beriladi va italiyaliklar uning transfer huquqini sotib olish majburiyatini o'z zimmalariga olishmaydi.

"Inter" belgiyalik futbolchining ijarasi uchun 8 million evro to'laydi. Shuningdek, qo'shimcha bonuslar ham nazarda tutiladi.

Eslatib o'tamiz, Lukaku 2019-2021 yillarda «Inter» sharafini himoya qilib, o'tgan yilning yozida 115 million evro evaziga «Chelsi»ga o'tgandi. Ammo Londonda uning ishlari u qadar yurishmadi.