Politsiya Osimxenning transferini tekshirishni boshladi

Politsiya hujumchi Viktor Osimxenning "Lill"dan "Napoli"ga o'tishi tafsilotlarini tekshirmoqda, deb xabar bermoqda Sky Sport Italia.

Italiya va Frantsiyadagi klub ofislarida tintuvlar o'tkazildi. "Napoli" prezidenti Aurelio De Laurentis yirik miqdordagi firibgarlikda gumonlanmoqda.

“Napoli” Osimxenni 2020 yilda “Lill”dan 70 million evroga sotib olgandi. Vaholanki, Frantsiya klubi atigi 50 million pul olgan. Qolgan summani qoplash uchun klub darvozabon Orestis Karnezisni, shuningdek, yoshlar jamoasidan uch nafar futbolchini: Luidji Liguori, Klaudio Manchi va Ciro Palmierini jamoaga qabul qildi.

Mutaxassislarning hisob-kitoblariga ko'ra, bu futbolchilarning transfer narxi bir necha bor oshirib yuborilgan. Boz ustiga, uch nafar yosh futbolchi “Lill” safida birorta ham o'yin o'tkazmadi: avvaliga Italiya klublariga ijaraga berildi, keyin esa shartnomalari shunchaki bekor qilindi.

2021/22 yilgi mavsumda Osimxen “Napoli” safida 31 ta o'yinda maydonga tushib, 18 ta gol urdi va 6 ta golli uzatmani amalga oshirdi. Transfermarkt portali hozir 23 yoshli nigeriyalik futbolchini 65 million evroga baholamoqda.