London klubi Eriksenni sotib olishga tayyor

"Brentford" bilan shartnomasi yakunlangan daniyalik yarim himoyachi Kristian Eriksen boshqa ingliz klubiga o'tishi mumkin. West Ham Zone xabariga ko'ra, Londonning "Vest Xem" klubi skandinaviyalik futbolchiga shartnoma taklif qilmoqchi.

Avvalroq, 30 yoshli yarim himoyachi "Manchester Yunayted" taklifini rad etgani ma'lum bo'lgandi. Futbolchi boshqa klublardan tushgan takliflarni ko'rib chiqishga yoki "Brentford" bilan yangi shartnoma tuzishga tayyor.

Kristian 2021/2022 yilgi mavsumda Premer-liganing 11 ta o'yinida maydonga tushib, 1 ta gol urdi va 4 ta golli uzatmani amalga oshirdi.