Krishtianu Ronaldu «Manchester Yunayted»ning yangi ustozi bilan suhbatlashib oldi

Krishtianu Ronaldu yozda «Manchester Yunayted»ni tark etmaydi.

Portugaliyalik hujumchi va jamoaning yangi bosh murabbiyi Erik ten Hag o'rtasida suhbat bo'lib o'tgan va ijobiy kayfiyatda yakunlangan. Hozirda Ronaldu boshqa klublar bilan muzokara olib bormayapti, deb yozadi jurnalist Fabrisio Romano.

Avvalroq Krishtianuga «Roma» qiziqish bildirayotgani xabar qilingandi. Ammo portugaliyalikning yuqori maoshi A Seriya jamoasining transferni amalga oshirishiga to'siq bo'lishi mumkinligi aytilgandi.

37 yoshli hujumchi 2021/22 yilgi mavsum barcha musobaqalarda 39 ta o'yinda 24 ta gol va 3 ta golli uzatmaga mualliflik qildi.

Manba: daryo.uz