York: "Hozirgi "Yunayted"ning saviya borasida "Chelsi", "Liverpul" va "ManSiti"lardan ancha orqada"

"Manchester Yunayted"ning sobiq hujumchisi Duayt York jamoaning Angliya Premer-ligasida o'tgan mavsumdagi yomon o'yini haqida fikr bildirdi. Ralf Rangnik boshchiligidagi "mankunianliklar" turnir jadvalida oltinchi o'rinni egalladi.

"Hozirgi "Yunayted" men o'ynagan jamoa emas. Ular ko'p narsani o'zgartirishi kerak, chunki ular hozir "Chelsi", "Liverpul" va "Manchester Siti" darajasidan juda uzoqda. Bu meni juda xafa qiladi. "Qizil iblislar"da jamoaviy ruh yo'q. Bu to'g'rilanishi kerak bo'lgan birinchi nuqta", - deya Duaytning so'zlaridan iqtibos keltiradi The Athletic.

Mavsum yakunlangach, "Manchester Yunayted" Rangnikning ketishini e'lon qildi. Uning jamoa boshqaruvidagi o'rnini Erik ten Xag egalladi.