"Barselona" 2023/24 yilgi mavsumdagi uy uchrashuvlarini "Olimpiya" stadionida o'tkazadi. "Kamp Nou"ni rekonstruktsiya qilish boshlandi

2023/24 yilgi mavsumda "Barselona" uy o'yinlarini "Kamp Nou"dan tashqarida o'tkazadi.

Kataloniya klubining uy arenasini rekonstruktsiya qilish ishlari shu yozda boshlanadi, ammo shunga qaramay, jamoa 2022/23 yilgi mavsumni “Kamp Nou” stadionida o'tkazadi. 2023/24 yilgi mavsumda klub "Olimpiya" stadioniga ko'chib o'tadi.

Bu haqda kataloniyaliklar prezidenti Joan Laporta maxsus matbuot anjumanida ma'lum qildi.

Majburiy ko'chish tufayli “Barselona” o'yinlariga borishi mumkin bo'lgan muxlislar soni deyarli ikki barobar kamayadi. Agar “Kamp Nou” stadioni 98 000 tomoshabinni sig'dira olsa, “Olimpiya” stadioni sig'imi 55 000 tomoshabinni tashkil etadi.