Kundening "Barselona"ga o'tishi xavf ostida

Frantsiyalik himoyachi Jyul Kundening “Barselona”ga o'tishi amalga oshmay qolishi mumkin.

Marca nashri xabariga ko'ra, "Sevilya" futbolchini sotishdan kamida 60 million evro ishlab olmoqchi, bu esa "ko'k-anorranglilar"ga to'g'ri kelmaydi. "Barselona" bunday katta miqdordagi mablag'ni sarflay olmaydi, chunki klub Robert Levandovskini ham sotib olishni maqsad qilgan.

Qolaversa, Evropaning boshqa top-klublaridan futbolchiga bo'lgan qiziqish Kundening "Kamp Nou"ga o'tishiga to'sqinlik qilishi mumkin. "Sevilya" frantsiyalik futbolchini "Barselona"dan taklif kutmasdan boshqa klubga sotishi mumkin.

O'tgan mavsumda himoyachi andalusiyaliklar safida barcha musobaqalarda 44 ta o'yinda maydonga tushgan.