"Ayaks" to'purari uchun ko'proq mablag' talab qilyapti

Dortmundning "Borussiya" klubi "Ayaks" hujumchisi Sebastyan Aller uchun 33 million evro taklif qildi, ammo Amsterdam klubi o'z futbolchisi uchun kattaroq summa talab qilmoqda. Bu haqda jurnalist Fabritsio Romano xabar berdi.

Manbaga ko'ra, nemis jamoasi 27 yoshli futbolchi bilan shaxsiy muzokaralarda muammoga duch kelmayapti, endi "Borussiya" "Ayaks" bilan to'lov miqdorini kelishib olishi kerak.

Aller 2021 yilning yanvarida "Vest Xem"dan 22,5 million evro evaziga Amsterdam klubiga kelib qo'shilgan edi.Frantsiyada tug'ilgan ivuarlik futbolchi klub uchun 65ta o'yinda 47ta gol urgan va 16ta golga assistentlik qilgan. Aller va Ayaks o'rtasidagi kelishuv 2025 yilda yakuniga etadi.