"Shaxtyor" o'z legionerini saqlab qolish maqsadida Ukrainani tark etishga qaror qildi

"Shaxtyor" jamoasi mavsumoldi mashg'ulotlarini qaerda o'tkazishi borasida bir qarorga keldi. UA-Football sayti xabariga ko'ra, donetskliklar Polshada yig'in o'tkazish niyatida.

Manbaning xabar berishicha, shu yo'l bilan Donetsk klubi kamida Ukraina hududida bo'lishni istamaydigan legionerlarni jamoada saqlab qolishni kutmoqda. “Shaxtyor” Chempionlar ligasi o'yinlarini ham Polshada o'tkazishni rejalashtirgan.

Shu bilan birga, Lvov "konchilar"ning o'yinlari uchun ustuvor joy hisoblanadi.

Avvalroq, braziliyaliklar Markos Alonso va David Neres Donetsk klubini tark etgandi. Ular mos ravishda Rimning «Latsio» va Lissabonning «Benfika» klublariga o'tishdi.