Salihamidjich Levandovskini "Bavariya"da qolishga ko'ndira olmadi

"Bavariya" sport direktori Hasan Salihamidjich polshalik hujumchi Robert Levandovski bilan shaxsan suhbatlashdi.

Marca xabariga ko'ra, Myunxen jamoasining sport direktori yaqinda polshalik futbolchining Malorkadagi uyiga hujumchini "Bavariya"da qolishga ko'ndirish uchun kelgan, biroq suhbat muvaffaqiyatsiz yakunlangan, chunki Levandovski shu yozda klubini o'zgartirish niyatida.

Eslatib o'tamiz, 33 yoshli polshalik futbolchi yaqin orada "Barselona"ga o'tmoqchi. "Bavariya" o'zining eng yaxshi to'purarini sotishdan kamida 50 million evro olmoqchi.