Manba: O'FA Rossiya va Ukraina bilan o'rtoqlik o'yini o'tkazishdan bosh tortdi

Rossiya va Ukraina terma jamoalari O'zbekiston bilan o'rtoqlik o'yinini o'tkazish taklifi bilan chiqishgan, ammo O'zbekiston futbol assotsiatsiyasi ularga rad javobini bergan. Bu haqda bir qator rus saytlari xabar tarqatdi.

"O'zbekiston futbol assotsiatsiyasiga yaqin manbaning aytishicha, Rossiya futbol ittifoqi rasmiy taklif bilan chiqqan. Ammo O'zbekiston tomoni bunga rad javobini bergan. Ushbu taklif bundan 2 hafta ilgari — terma jamoalarga ajratilgan FIFA kunlari paytida tushgan. Shu bois, RFI endi boshqa variantlarni ko'rib chiqadi.

Shuningdek, manbaga ko'ra, Ukraina futbol assotsiatsiyasi ham shunday taklif bilan chiqqan. O'zbekiston ularning taklifini rad etgan. Buning sababi tushunarli", — deya xabar tarqatdi saytlar.

Eslatib o'tamiz, Rossiya Ukrainaga harbiy yurish bilan bostirib kirgani uchun mamlakatning barcha jamoalari xalqaro musobaqalardan chetlatilgan.