Meksika klubi de Yong ustidan FIFAga arz qilmoqchi

Meksikaning "Toluka" klubi vakillari “Sevilya” va Niderlandiya terma jamoasi hujumchisi Lyuk de Yong ustidan shikoyat qilishni rejalashtirmoqda.

Sport.es nashri xabariga ko'ra, "Sevilya" rahbarlari klubini o'zgartirishga qarshi bo'lmagan 31 yoshli niderlandiyalik futbolchining transferi bo'yicha Meksika jamoasi bilan kelishgan. Oxirgi lahzada de Yong fikrini o'zgartirdi va Evropada qolishga qaror qilgani uchun transferdan voz kechdi. "Toluka" klubi futbolchi ustidan FIFAga shikoyat qilmoqchi, chunki Meksika jamoasida futbolchining o'zi yoki uning qonuniy vakili imzolagan hujjat bor.

Eslatib o'tamiz, Lyuk de Yong o'tgan mavsumda "Barselona"da ijara asosida o'ynagan edi.