«Roma» yangi mavsumga tayyorgarlikni qachon boshlashi ma'lum bo'ldi

«Roma» bosh murabbiyi Joze Mourino jamoa chempionatga qadar yaxshi formada bo'lish uchun yangi mavsum oldidan bir nechta o'rtoqlik o'yinlari o'tkazmoqchi.

Rim jamoasi futbolchilari ta'tildan bahramand bo'lmoqda. Ba'zilari terma jamoa bilan musobaqalardan endigina qaytgan bo'lsa, boshqalari Konferentsiyalar Ligasidagi g'alabadan so'ng darhol ta'tilga chiqqandi. Biroq tez orada yozgi yig'inlar boshlanadi.

«Roma» uchun yangi mavsum boshlanishiga ikki hafta vaqt qoldi: Trigoriyadagi dastlabki yig'indan so'ng 4 iyul kuni jamoa Algarvega uchadi va u erda 23 iyulga qadar qoladi.

Rimliklar 13, 16 va 19 iyul kunlari ham o'rtoqlik o'yinlari o'tkazadi. Portugaliyadagi yig'in uchun to'lov, taxminan, 400 ming evroga tushadi.

Terma jamoa ixtiyorida bo'lgan futbolchilar 11 iyuldan jamoaga qo'shiladi. Asosiy tarkibda bir nechta Primavera futbolchilari bo'lishi ko'zda tutilgan, ammo boshqa takliflarni rad etsa, jamoadan alohida mashg'ulot o'tkazishga majbur bo'ladigan Amadu Diavara bo'lmaydi.

«Roma» Portugaliyadagi yig'in davomida 4 ta o'rtoqlik o'yini o'tkazadi: «Sporting», «Nitstsa»ga qarshi, keyin esa portugal va ispan jamoalariga qarshi o'yinlar.

Trigoriyada quyi darajadagi raqiblarga qarshi sinov o'yinlari rejalashtirgan bo'lib, chempionat boshlanishidan oldin, taxminan, 9 avgust kuni Italiyada yana bir o'rtoqlik o'yini o'tkazadi. Mourino jamoani ligaga yuqori formada tayyor bo'lishi uchun darhol o'yinlarni o'tkazmoqchi.

Avvalroq «Roma» 30 iyul kuni «Tottenhem»ga, 6 avgust kuni «Barselona»ga qarshi o'yinlar o'tkazishi ma'lum qilingandi.

Manba: daryo.uz