Bahodir Jalolov katta ustunlikdagi g'alaba evaziga final yo'llanmasini qo'lga kiritdi

Tailand poytaxti Bangkok shahrida havaskor boks bo'yicha Osiyo chempionati yarim final uchrashuvlari boshlandi. Kunning ikkinchi qismida O'zbekiston erkaklar terma jamoasining so'nggi vakili Bahodir Jalolov ringga ko'tarildi.

+91 kg vaznda ringga chiqqan Bahodir Jalolovga yarim finalda suriyalik Muhammad Mulayesga qarshi ringga chiqdi. Bellashuv davomida yaqqol ustunlikka ega bo'lgan o'zbekistonlik bokschi yakunda hakamlarning bir ovozdan bergan qarorlariga ko'ra, ochkolar bo'yicha g'alaba qozonib, finalga yo'llanma oldi.

Bungacha Nodirjon Mirzaahmedov, Mirazizbek Mirzahalilov, Sanjar Tursunov va Bobo Usmon Baturov yarim final janglarida g'alaba qozonib, finalga yo'llanma olgandi. Shahnoza Yunusova va Shukurjon Rahimov esa O'zbekiston terma jamoasiga bronza medalni taqdim etgandi.

Bugun yana 2nafar o'zbekistonlik bokschi ringga chiqadi.
-57 kg: Yodgoroy Mirzaeva – Yu-Ting Lin (Xitoy Taypeyi)
-64 kg: Maftuna Melieva – Kaur Baat (Hindiston)