APL. «Vulverxempton» «Arsenal»ni ham tor-mor etdi (video)

"Vulverxempton" klubi ushbu mavsumda top-klublar "kushanda"siga aylandi. Jamoa Angliya chempionatining 31-turi doirasida "Arsenal"ga qarshi qoldirilgan uchrashuvda zafar quchdi.

"Bo'rilar" kuchli raqibga qarshi o'yinning birinchi bo'limini juda kuchli o'tkazdi. Ayniqsa, bo'limning ikkinchi yarmida mezbonlar "Arsenal" darvozasini bir emas, ikki emas, naq 3 marta ishg'ol qildi.

Emeri shogirdlari ikkinchi bo'limda vaziyatni o'nglashga harakat qildi. Londonliklar bahs tugashiga 10 daqiqa qolganida bitta javob to'pini kiritishdi.

Shu tariqa, "Arsenal" kuchli to'rtlikka kirish yo'lida o'z imkoniyatini pasaytirib yubordi.

APL, 31-turning qoldirilgan o'yini
Vulverxempton – Arsenal 3:1 (3:0, 0:1)
Gollar: 1:0 – 28 Ruben Nevesh, 2:0 – 37 Doerti, 3:0 – 45 Diogu Jota, 3:1 – 80 Papastatopulos.
Vulverxempton – Ruy Patrisiu, Doerti, Boli, Bennett, Kastro, Ruben Nevesh, Moutinyu (Gibbs-Uayt, 90), Diogu Jota (Kavaleyru, 78), Dendonker, Koudi, Ximenes (Traore, 82).
Arsenal – Leno, Papastatopulos, Koselni, Monreal, Meytlend-Naylz, Torreyra (Genduzi, 59), O'zil, Jaka, Mxitaryan (Kolashinats, 58), Ivobi (Nketia, 71), Lyakazett.
Ogohlantirishlar: Doerti (17), Monreal (27), Jaka (31), Torreyra (45), Bennett (84).