Milinkovich-Savich “Latsio”da qolishi mumkin

“Latsio” yarim himoyachisi Sergey Milinkovich-Savich keyingi mavsumda ham Rim klubida qolishi mumkin. Calciomercato xabariga ko'ra, potentsial xaridorlarga serbiyalik yarim himoyachi uchun so'ralgan mablag' to'sqinlik qilmoqda.

Qayd etilishicha, "Latsio" Rim klubi bilan shartnomasi tugashiga atigi bir yil qolgan Milinkovich-Savich transferi uchun barcha manfaatdor klublardan 60 million evro talab qilmoqda. Serbning xizmatlariga Turinning "Yuventus" va "Manchester Yunayted" klublari qiziqish bildirmoqda.

Agar Milinkovich-Savich kelasi mavsumda ham “Latsio”da qolsa, bir yildan keyin u erkin agent sifatida ketishi mumkin.