Xose Luis Serra: «Durang natijadan ham xursandmiz»

“Lokomotiv” – “Al-Ittihod” uchrashuvidan keyingi matbuot anjumanining birinchi qismida mehmonlar bosh murabbiyi Xose Luis Serra qatnashdi.

"Qiziqarli bahs o'tdi. Uchrashuvda ko'plab vaziyatlardan foydalana olmadik. Ammo qo'lga kiritilgan 1 ochkodan xursandmiz. Agarda vaziyatdan foydalana olganimizda g'alaba qozonishimiz mumkin ham edi. Guruhdagi jamoalarning kuchi teng. Keyingi bosqich borasida hozirdan nimadir deyish qiyin. Oldinda 2 o'yin bor. Biz e'tiborimizni keyingi o'yinga qaratamiz. Hujumda muammolarimiz yo'q. Vaziyatlardan foydalana olmaslik ham yomon emas. Muhimi biz vaziyatlarni yarata olyapmiz", - dedi Xose Luis Serra.