No''mon Hasanov: «O'tgan uchrashuvlardagi mag'lubiyatlardan to'g'ri xulosa chiqardik»

“Qizilqum” – “Qo'qon-1912” uchrashuvidan so'ng mehmonlar ustozi No''mon Hasanov quyidagicha fikr bildirib o'tdi: 

- Guvohi bo'ldingiz, ikkala jamoa ham yomon o'yin ko'rsatmadi. Murod Xolmuhammedov jarima zarbasidan gol kritdi va shu gol evaziga g'alaba qozondik. O'zi o'yin bitta golga qadar davom etadigan ko'rinish olgandi. O'yin sur'atidan durang qayd etiladigandek taassurot uyg'onayotgan edi. O'tgan uchrashuvlardagi mag'lubiyatlardan to'g'ri xulosa chiqargan holda jamoamiz bugun yaxshi o'yin namoyish eta oldi. Birinchi galda uzoq yo'l bosib kelgan ishqibozlarimizdan minnatdormiz. Aynan ularni ko'rib, yigitlar maydonda borlarini berib harakat qilishdi va g'alabaga erishishdi, - dedi mutaxassis.