Frenki de Yong: «EChLda «Barselona»ni mag'lub etishdan uyalmagan bo'lardim»

«Ayaks» yarim himoyachisi Frenki de Yong Evropa chempionlar ligasi finalida «Barselona» bilan uchrashish ehtimoli yuzasidan o'z fikrlarini bildirib o'tdi.

«Bunday variant haqida o'yladim. Bu maxsus hodisa bo'lardi. Lekin hozirda bizga kim raqib bo'lishining men uchun ahamiyati yo'q. Men hozircha «Ayaks» o'yinchisiman va «Ayaks» g'alaba qozonishini istayman. Xuddi «Real»ni mag'lub etganimiz kabi «Barselona»ni mag'lub etishdan uyalmagan bo'lardim», – dedi de Yong.

Frenki de Yong yozda «Barselona» safiga kelib qo'shiladi. Kataloniyaliklar gollandiyalik futbolchi 75 million evro to'lashdi. EChLning yarim finalida «Ayaks» «Tottenxem» bilan o'ynasa, «Barselona» «Liverpul» bilan to'qnash keladi.