“Real" Frantsiyadan "yangi Benzema"ni topdi

Madridning “Real” klubi “Nitstsa” hujumchisi Amin Guiriga qiziqish bildirmoqda. Futbolchini "yangi Karim Benzema" deb atashyapti.

Guiri 2020 yilda "Nitstsa" tarkibiga kelib qo'shilgan edi. Joriy mavsumda hujumchi o'z o'yinlari bilan yaxshi taassurot qoldirdi va bir qancha top-klublar, jumladan, “Real Madrid”ning ham e'tiborini tortdi.

Ispanlar, ayniqsa, Erling Xoland transferidagi muvaffaqiyatsizlikdan so'ng, hujumchi topishdan manfaatdor. «Nitstsa» Guiri uchun 50-60 million evro talab qilishi kutilmoqda.

Joriy mavsumda futbolchi Frantsiya chempionatida 36 ta o'yin o'tkazib, 10 ta gol urdi va 8 ta golli uzatmani amalga oshirdi.