VAR effekti! «Milan» va «Latsio» o'yinidan keyin katta janjal bo'ldi (foto)

Italiya “A” Seriyasining 32-turidan o'rin olgan “Milan”va“Latsio” o'yini (1:0) janjal bilan tugadi. 

Hakam o'yinni tugatishi bilan maydonda to'qnashuvlar yuzaga keldi. 

Uchrashuvning 76-daqiqasida Janluka Rokki “Latsio” darvozasiga penalti belgiladi, keyin esa videotakrorlarga murojaat qilib bo'lganidan so'ng qarorini o'zgartirdi. 

Keyingi vaziyat 78-daqiqada bo'ldi, hakam “burgutlar” darvozasiga yana penalti belgiladi va bu imkoniyatdan Frank Kessie foydalandi.

Qo'shib berilgan daqiqalarda rimliklar futbolchisi “Milan”ning jarima maydonchasida yiqildi, biroq hakam videotakrorlarga ham qarab o'tirmadi.